உலக பணக்காரர் பட்டியலில் ஜெப்பெசோஸ் முதலிடம்

நியூயார்க்-

உலகின் மிகப் பெரிய பணக்காரர்கள் பட்டியலில் அமேசான் நிறுவனத்தின் ஜெப்பெசோஸ் முதலிடம் பிடித்துள்ளார்.

இவரின் மொத்த சொத்து மதிப்பு 141.9 பில்லியன் டாலர். ஜெப்பெசோஸ் அமேசான் நிறுவனத்தை 1994ஆம் ஆண்டு தொடங்கினார்.

தற்போது இந்த நிறுவனம் உலகின் மிகப்பெரிய வணிக நிறுவனமாக செயல்பட்டு வருகிறது. இங்கு சுமார் 5 லட்சம் ஊழியர்கள் பணிபுரிகின்றனர். உலகின் மிகப்பெரிய மதிப்பு கொண்ட நிறுவனங்கள் பட்டியலில் ஆப்பிளுக்கு அடுத்த படியாக அமேசான் 2ஆவது இடத்தை பிடித்துள்ளது.

உலக பணக்காரர்கள் குறித்த போர்ப்ஸ் பட்டியலில் மைக்ரோசாப்ட் நிறுவனர் பில்கேட்ஸ் இந்த தடவை 2ஆவது இடத்தை பிடித்துள்ளார். இவரது சொத்து மதிப்பு 92.9 பில்லியன் டாலர் ஆகும்.

இவருக்கு அடுத்தப்படியாக பெர்னாட் அர்னால்ட் 3ஆவது இடத்தை பிடித்துள்ளார் என்பது குறிப்பிடத்தக்கது.