Thursday, 28 December 2017

லிம் கிட் சியாங்கிற்கு அறுவை சிகிச்சை; புற்றுநோய் கட்டி அகற்றப்பட்டது


கோலாலம்பூர்-
ஜசெக மூத்தத் தலைவரும் கேலாங் பாத்தா நாடாளுமன்ற உறுப்பினருமான லிம் கிட் சியாங்கின் இடது கிட்னியில் இருந்த புற்றுநோய் கட்டி வெற்றிகரமாக அகற்றப்பட்டுள்ளது.

'தனது தந்தைக்கு வழக்கமான பரிசோதனையில் அவரது இடது கிட்னியில் சிறிய கட்டி இருந்தது கண்டறியப்பட்டதாகவும் அது புற்றுநோயின் முதல்நிலை கட்டி என்பது தெரியவந்ததாகவும் அவரது புதல்வரும் ஜசெக பொதுச் செயலாளருமான லிம் குவான் எங் இன்று செய்தியாளர்களிடம் பேசுகையில் இவ்வாறு கூறினார்.

'அறுவை சிகிச்சை வெற்றிகரமாக முடிந்தது. அவர் நலமுடன் உள்ளார். விரைவில் இயல்பு நிலைக்கு திரும்புவார்'. லிம் கிட் சியாங்கின் நாடாளுமன்றப் பணிகளை அவரது பிரதிநிதியான லிம் சியாம் லுவாங்கும் கேலாங் பாத்தா ஜசெக அலுவலகமும் கவனித்துக் கொள்ளும் என லிம் குவான் எங் மேலும் சொன்னார்.

No comments:

Post a comment