லிங்கா-
சுங்கை சிப்புட்-
சுங்கை சிப்புட் நாடாளுமன்றத் தொகுதியில் பல வகையில் மக்களுக்கு சேவையாற்றி கொண்டிருக்கும் ம.இ.கா தேசியத் தலைவர், டான்ஶ்ரீ எஸ்.விக்னேஸ்வரனுக்கு வற்றாத ஆதரவினை நாங்கள் என்றும் வழங்குவோம் என இங்குள்ள தாமான் இராமசாமி ம.இ.கா கிளையினர் தெரிவித்தனர்.
இங்குள்ள மக்களுக்கு வேண்டிய உதவிகளை செய்ய வேண்டும் என்று இங்கு தேசிய முன்னணி அலுவலகம் திறக்கப்பட்டுள்ளது. பல பணியாளர்களையும் தொண்டர்களையும் கொண்டு டான்ஶ்ரீ விக்னேஸ்வரன் அதனை செயல்படுத்தி வருகிறார். அவர் இந்த தொகுதியில் போட்டியிட்டால், நாங்கள் நிச்சயமாக வாக்களிப்போம் என தாமான் இராமசாமி ம.இ.கா கிளைத் தலைவர், பி.கணேசன் அக்கிளையின் முதலாம் ஆண்டுக் கூட்டத்தில் கூறினர்.
மேலும் தேர்தல் அதிகாரியாக வருகை புரிந்த ம.இ.கா மத்திய செயலவை உறுப்பினர், குணாவிற்கு பி.கணேசன் சிறப்பு செய்தார்.
அதையடுத்து, டோவன்பி கிளைத் தலைவர், பாலகிருஷ்ணன் தொகுதி பிரதிநிதியாகவும், சுங்கை சிப்புட் ம.இ.கா சேவை மையத்தின் மேலாளரான, அசோக் குமார் ஆகியோர் வருகை புரிந்தனர்.
தாமான் இராமசாமி கிளையின் தலைவராக பி.கணேசன், துணைத் தலைவராக, கிருஷ்ணன் லெட்சுமணன், செயலாளராக, தேவகி முனியாண்டி, உதவிச் செயலாளராக மோகன பிரியா, பொருளாளராக, பார்வதி சுப்ரமணியம், தகவல் அதிகாரியாக விமலா தேர்வு செய்யப்பட்டனர்
1974-ஆம் ஆண்டிலிருந்து பி.கணேசன் ம.இ.கா கிளைகளில் சேவையாற்றி வருகின்றார் என்பது குறிப்பிடத்தக்கது
No comments:
Post a Comment