தூத்துக்குடி கலவரம்- போலீசாரின் துப்பாக்கிச் சூட்டுக்கு 12 பேர் பலி

தூத்துக்குடி-

தூத்துக்குடியில் உள்ள ஸ்டெர்லைட் ஆலையை நிரந்தரமாக மூட வேண்டும் என அப்பகுதி மக்கள் முன்னெடுத்த போராட்டத்தில் போலீசார் மேற்கொண்ட துப்பாக்கிச் சூட்டு சம்பவத்தில் , பலியானோரின் எண்ணிக்கை 12ஆக  உயர்ந்துள்ளது. 

 போராட்டத்தின் 100-வது நாளான நேற்று ஆயிரக்கணக்கான மக்கள் மாவட்ட கலெக்டர் அலுவலகத்தை நோக்கி ஊர்வலமாக சென்றனர்.

அவர்களை தடுத்து நிறுத்தும்போது போராட்டக்காரர்களுக்கும், போலீசாருக்கும் இடையே மோதல் வெடித்தது. போராட்டக்காரர்களை களையும் நோக்கில் போலீசார் மேற்கொண்ட துப்பாக்கிச் சூட்டு சம்பவத்தில் 12 பேர் உயிரிழந்துள்ளனர்.