Saturday, 17 April 2021

நடிகர் விவேக் ஓர் உன்னத கலைஞர்- டத்தோஸ்ரீ சரவணன் இரங்கல்

கோலாலம்பூர்-

நகைச்சுவை வாயிலாக சமூக சீர்திருத்தக் கருத்துகளை மக்களிடம் சேர்த்த உன்னத கலைஞர் நடிகர் விவேக் என்று மனிதவளத் துறை அமைச்சர் டத்தோஸ்ரீ எம்.சரவணன் தெரிவித்தார்.

மாரடைப்பு காரணமாக சின்ன கலைவாணர் என்று புகழப்படும் நடிகர் விவேக் இன்று அதிகாலை சிகிச்சை பலனின்றி உயிரிழந்தார்.

அன்னாரின் மறைவுக்கு தமிழக அரசியல் பிரமுகர்களும் திரை பிரபலங்களும் இரங்கல் தெரிவித்து வருகின்றனர்.

அவ்வகையில் மஇகாவின் துணைத் தலைவராகவும் விளங்குகின்ற டத்தோஸ்ரீ சரவணன் தெரிவித்துள்ள இரங்கலில், நகைச்சுவையின் வாயிலாக சமூக சீர்திருத்தக் கருத்துகளை மக்களிடம் சேர்த்த உன்னத கலைஞன், காலம் போற்றும் உம் புகழும் சிந்தனைகளும் நிலைத்திருப்பது திண்ணம்.

அன்னாரின் குடும்பத்தினருக்கு ஆழ்ந்த இரங்கல்' என்று தமது இரங்கல் குறிப்பில் குறிப்பிட்டுள்ளார்.

No comments:

Post a comment