Wednesday, 10 June 2020

கொரோனா வைரஸால் பாதிக்கப்பட்ட திமுக எம்எல்ஏ ஜெ.அன்பழகன் மரணம்

சென்னை-

கொரோனா வைரஸ் தொற்றினால் பாதிக்கப்பட்டு சிகிச்சை பெற்று வந்த சேப்பாக்கம்- திருவல்லிக்கேணி திமுக சட்டமன்ற உறுப்பினர் ஜெ.அன்பழகன் (வயது 62) இன்று காலமானார்.

கொரோனா தொற்று பாதிப்பை அடுத்து விழிப்புணர்வு நடவடிக்கை, உதவி நலத்திட்டம் ஆகியவற்றை முன்னெடுத்து வந்த அன்பழகன் காய்ச்சல் காரணமாக குரோம்பேட்டையில் உள்ள தனியார் மருத்துவமனையில் அனுமதிக்கப்பட்டார்.

அங்கு அவருக்கு கொரோனா தொற்று உறுதி செய்யப்பட்ட நிலையில் தீவிர சிகிச்சை அளிக்கப்பட்டது.

அவ்வப்போது உடல்நிலையில் முன்னேற்றம் கண்டு வந்த நிலையில் சிகிச்சை பலனளிக்காமல் இன்று அதிகாலை மரணமடைந்தார்.

பிறந்தநாளான இன்று அவர் மரணம்  அடைந்துள்ளது திமுகவினரை வேதனைக்குள்ளாக்கியுள்ளது.

No comments:

Post a comment