Thursday, 16 May 2019

மலேசியாவின் மக்கள் தொகை; பெண்களை விட ஆண்களே அதிகம்

கோலாலம்பூர்-

மலேசியாவில் உள்ள மக்கள் தொகை 3 கோடியே 26 லட்சத்து 60 ஆயிரமாக உயர்வு கண்டுள்ளது.  இது 2019ஆம்  ஆண்டின் முதல் காலாண்டிற்கான பதிவு ஆகும். 2018ஆம் ஆண்டின் முதல் காலாண்டில் 3 கோடியே 22 லட்சத்து 90 ஆயிரமாக இருந்த எண்ணிக்கை தற்போது 1.1 விழுக்காடு உயர்ந்துள்ளது.
இந்த 3 கோடியே 26 லட்சத்து 60 ஆயிரம் மக்கள் தொகையில் 2 கோடியே 93 லட்சத்து 10 ஆயிரம் பேர் குடியுரிமை கொண்டவர்கள் என்றும் 33 லட்சத்து 10 ஆயிரம் பேர் குடியுரிமை இல்லாதவர்கள் என்றும் தலைமை புள்ளியியலாளர் டத்தோஶ்ரீ டாக்டர் முகமட் உஸிர் மஹிடின் கூறினார்.

இந்த எண்ணிக்கையில் பெண்களை விட ஆண்களே அதிகம் உள்ளனர். 100 பெண்களுக்கு 107 ஆண்கள் என்ற விகிதாசாரத்தில் இது உள்ளது.  மொத்த மக்கள் தொகையில் ஆண்கள் 1 கோடியே 68 லட்சத்து 60 ஆயிரமாகவும்  பெண்கள் 1 கோடியே 58 லட்சமாகவும் உள்ளனர் என்று அவர் தெரிவித்தார்.

No comments:

Post a comment