Tuesday 25 February 2020

PH அமைச்சர்களின் நியமனங்கள் ரத்து

கோலாலம்பூர்-
பக்காத்தான் ஹராப்பான் கூட்டணியைச் சேர்ந்த அமைச்சர்களின் நியமனங்களை மாமன்னர் ரத்து செய்துள்ளதாக நாட்டின் தலைமைச் செயலாளர் முகமட் ஸுக்கி அலி தெரிவித்தார்.
பிரதமர் பதவியிலிருந்து துன் மகாதீர் விலகியதை அடுத்து நாட்டின் நிர்வாகிகளான துணைப் பிரதமர், அமைச்சர்கள், துணை அமைச்சர்கள், அரசியல் செயலாளர்கள் என அனைவரின் நியமனங்களும் இன்றுடன் ரத்து செய்யப்படுகிறது.

பிரதமர் பதவியிலிருந்து துன் மகாதீர் விலகினாலும் இடைக்கால பிரதமராக அவர் நாட்டை நிர்வகிப்பதற்கு மாமன்னர் ஒப்புதல் வழங்கியுள்ளார்.

புதிய அரசாங்கம் அமையும் வரையிலும் துன் மகாதீர் இடைக்கால பிரதமராக பதவியில் நீடிப்பார்.

இன்னும் 10 நாட்களுக்குள் தனது பெரும்பான்மையை நிரூபிக்கும் தரப்பினர் புதிய அரசாங்கத்தை அமைப்பர் என்று அவர் மேலும் சொன்னார்.

No comments:

Post a Comment